Lagip iti Napalabas
Adayon unay iti naturungan iti panagmaymaysak,
ngem aginggana ita diak pay nakita ti papanak,
Dagiti ilew ken arakup nga namnamaek,
bagi laengen ti pungan iti kaykayepkepek.
Nalamiis nga pul-oy iti angin iti mariknak,
mangipalagip diay immay nga bagyo a nangdubrak,
nangdadael iti kakaisuna nga bara ni ayat,
awan imbati na nu di laeng siak.
Nagdadakes nga balikas iti nangnang-ngeg ko,
nasanger nga arak ti maang-angot ko,
nabalintuag nga tugtugaw, nabuong nga basbaso,
narsuod nga insigida ti panagbiag ko.
Tatta unayen iti lawag iti agsapa,
ngem ut-ot iti bagi ti marikriknak.
Lagip iti napalabas iti mabuybuya,
lua met gayam iti lumlumteg nga mata.
Walang komento:
Mag-post ng isang Komento